ທ່ານມີຄວາມກັງວົນ ຕໍ່ອະນາຄົດຂອງຕົນເອງ ວ່າຮຽນຈົບແລ້ວ ຈະບໍ່ມີວຽກເຮັດງານທຳບໍ? ທ່ານສາມາດ ສ້າງຕັ້ງຂອງທຸລະກິດ ຂອງຕົນເອງໄດ້ …
ວິທະຍາໄລສະຫະກິດສຳພັນ ເປີດຫລັກສູດໃໝ່ ສົກສຶກສາ 2020 – 2021
1. ຫລັກສູດການປະກອບກິດຈະການ
ຫລັກສູດການປະກອບກິດຈະການ ອອກແບບມາເພື່ອໃຫ້ນັກສຶກສາ ມີປະສົບການທີ່ແທດເໝາະກັບສະພາບການຕົວຈິງ ໃນຂົງເຂດທຸລະກິດທີ່ຫວັງຜົນກຳໄລ ແລະ ກິດຈະການເພື່ອສັງຄົມ, ໂດຍວາງເປົ້າໝາຍໃສ່ໃຫ້ມີການປະກອບສ່ວນທີ່ດີແກ່ການພັດທະນາວິສາຫະກິດຂະໜາດນ້ອຍ ແລະ ກາງ ພ້ອມທັງກະຕຸກຊຸກຍູ້ໃຫ້ມີການສ້າງຕັ້ງທຸລະກິດໃໝ່. ຫລັກສູດນີ້ ຍັງອອກແບບມາເພື່ອໃຫ້ມີການເຊື່ອມໂຍງກັນລະຫວ່າງ ນັກສຶກສາ, ວິທະຍາໄລ, ແລະ ຫົວໜ່ວຍທຸລະກິດທ້ອງຖິ່ນ ບົນພື້ນຖານ ຕ່າງຝ່າຍຕ່າງມີຜົນປະໂຫຍດ. ນັກສຶກສາທີ່ຮຽນຫລັກສູດຈະໄດ້ຮັບຄວາມຮູ້ ແລະ ຄວາມຊຳນານທີ່ຈຳເປັນສຳລັບນຳໃຊ້ເຂົ້າໃນການບໍລິຫານ ແລະ ຂະຫຍາຍທຸລະກິດຂອງຕົນ ແລະ ກາຍເປັນຜູ້ປະກອບກິດຈະການ (ນັກທຸລະກິດ).
ນັກສຶກສາຈະໄດ້ຮຽນຮູ້ ແລະ ເຝິກຝົນໃນການເພີ່ມພູນຄວາມສາມາດ ດ້ານການຕັດສິນໃຈໃນນາມເປັນເຈົ້າຂອງທຸລະກິດ ຫລື ກິດຈະການ ໃນອະນາຄົດ ໂດຍຜ່ານການສຸມໃສ່ຂອບຄວາມຄິດຂອງການປະກອບກິດຈະການ ທີ່ຮຽນຮູ້ກ່ຽວກັບ ນະວັດຕະກຳ ແລະ ຫົວຄິດປະດິດສ້າງ, ການປະກອບທຶນແກ່ທຸລະກິດ, ຫລັກການບໍລິຫານ ແລະ ການຕະຫລາດ. ນັກສຶກສາຈົບຫລັກສູດນີ້ ຈະໄດ້ຮັບພື້ນຖານການສຶກສາທີ່ໜັກແໜ້ນໃນດ້ານການປະກອບກິດຈະການ, ສ້າງຕັ້ງທຸລະກິດ ຫລື ສ້າງຕັ້ງອົງການທີ່ບໍ່ຫວັງຜົນກຳໄລ (ການປະກອບກິດຈະການເພື່ອສັງຄົມ).
2. ຫລັກສູດ ການບັນຊີ
ຫລັກສູດຊັ້ນສູງການບັນຊີ ສາຂາ ການບັນຊີ ສ້າງຂຶ້ນເພື່ອ ຕອບສະໜອງຄວາມຮຽກຮ້ອງຕ້ອງການດ້ານວິຊາການບັນຊີ ໃຫ້ແກ່ຜູ້ທີ່ຈົບຊັ້ນມັດທະຍົມສຶກສາຕອນປາຍ, ນັກວິຊາການ, ພະນັກງານ ແລະ ຜູ້ບໍລິຫານ ທີ່ຕ້ອງການເພີ່ມພູນຄວາມຮູ້ ຄວາມສາມາດ ໂດຍສະເພາະແມ່ນຄວາມຮູ້ຄວາມສາມາດທາງດ້ານການບັນຊີ. ການບັນຊີຖືເປັນວຽກງານທີ່ສໍາຄັນສໍາລັບທຸກໆ ຫົວໜ່ວຍທຸລະກິດ ແລະ ທຸກໆ ຂະແໜງການ ເນື່ອງຈາກເປັນວິຊາສະເພາະ ແລະ ວິຊາຊີບທີ່ເຮັດໜ້າທີ່ໃນການສັງລວມບັນດາຂໍ້ມູນຂ່າວສານທາງດ້ານການເງິນ ໝາຍຄວາມວ່າ: ນັກບັນຊີເປັນບຸກຄົນທີ່ກໍາແໜ້ນບັນດາຂໍ້ມູນຂ່າວສານທີ່ເປັນຄວາມລັບ ແລະ ບໍ່ເປັນຄວາມລັບຂອງອົງກອນ. ສະນັ້ນ, ຈຶ່ງສາມາດເວົ້າໄດ້ວ່າ ລະບົບບັນຊີປຽບເໝືອນເສັ້ນເລືອດໃຫຍ່ຂອງອົງກອນ ແລະ ນັກບັນຊີເປັນເສົາຄໍ້າຫຼັກຂອງອົງກອນທີ່ສາມາດນໍາພາອົງກອນໃຫ້ປະສົບຜົນສໍາເລັດ ຫຼື ລົ້ມເຫຼວໄດ້.
ເປີດຮັບນັກສຶກສາແລ້ວ ແຕ່ມື້ນີ້ເປັນຕົ້ນໄປ. ເລີ່ມຕົ້ນຮຽນ 1 ຕຸລາ 2020
ໂທ: (020) 5222 1533, (020) 2888 4276, (020) 9122 2236
